Popular Bible Verses from Roma 14

Share

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati. Orang yang iko pa Yesus Kristus deng cara hidup macam bagitu, dia biking Tuhan Allah pe hati sanang kong orang-orang me hormati pa dia.

Karna torang hidup, torang hidup untuk Tuhan, deng torang mati, torang mati untuk Tuhan. Jadi torang hidup ka mati ka, torang ini Tuhan punya.

Jadi, mari suda torang salalu berusaha baku bawa bae-bae deng baku kase kuat torang samua pe percaya.

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!

Sama deng ada tatulis di Kitab Suci bagini, “Kita Tuhan Allah, Kita butul-butul hidup, deng Kita bilang ini butul-butul mo jadi, samua orang nanti mo berlutut kong semba di Kita pe muka, deng samua orang mo mangaku deng dong pe mulu, Kita ini Tuhan Allah.” Jadi nanti torang masing-masing musti mangaku pa Tuhan Allah pe muka apa yang torang so biking, deng bikiapa kong torang biking itu.

Ada orang-orang yang so percaya pa Tuhan tapi dorang pe percaya bolong kuat. Dorang itu bolong talalu tau bagimana mo hidup butul pa Tuhan Allah pe muka. Ngoni musti tarima pa dorang, jang baku malawang deng dorang tentang dong pe pendapat.

Tuhan itu torang samua pe Tuang. Jadi torang tarada hak mo kase sala pa orang laeng pe orang karja. Cuma Tuhan saja yang ada hak untuk kase sala pa Dia pe orang karja. Deng Tuhan pasti mo tolong pa orang karja itu supaya bole hidup butul.