Popular Bible Verses from Roma 10

Share

Barang, kalu ngoni mangaku deng ngoni pe mulu, Yesus itu Tuhan, kong di ngoni pe hati butul-butul percaya Tuhan Allah so kase hidup ulang pa Yesus, ngoni itu mo dapa slamat dari dosa-dosa.

Karna kalu di ngoni pe hati ngoni percaya, Tuhan Allah mo biking ngoni jadi orang yang tara sala pa Dia pe muka. Deng kalu ngoni mangaku deng ngoni pe mulu, ngoni mo dapa slamat dari dosa-dosa.

Jadi, orang musti dengar dulu kabar tentang Yesus Kristus, baru dorang mo percaya. Deng, dorang bisa dengar kabar tentang Yesus Kristus, kalu ada orang yang kase tau kabar itu pa dorang.

Di Kitab Suci ada tatulis bagini, “Sapa saja yang percaya pa Tuhan Allah, dia tara akan kecewa.” Samua orang bole dapa slamat, barang orang Yahudi deng orang yang bukang Yahudi tarada dia pe beda, karna Tuhan Allah itu samua orang pe Tuhan. Dia itu paling bae pa samua orang yang minta tolong pa Dia. Barang di Kitab Suci ada tatulis bagini, “Sapa saja yang minta tolong pa Tuhan Allah, pasti dia mo dapa slamat.”

Bagitu me, tarada orang yang akan kase tau kabar tentang Dia kalu tarada yang utus pa dorang, to? Jadi sama deng di Kitab Suci ada tatulis, “Pe sanang skali dapa lia orang yang datang untuk kase tau Kabar Bae dari Tuhan Allah!”

Tapi bagimana mungkin dorang bole minta tolong pa Tuhan Allah kalu dorang sandiri bolong percaya pa Dia, to? Deng dorang tara bisa percaya kalu dorang bolong dengar kabar tentang Dia, to? Dorang lagi tara bisa dengar kabar tentang Dia kalu tarada orang yang pi kase tau kabar pa dorang, to?

Tuhan Allah pe jalang itu Yesus Kristus. Karna deng Yesus Kristus mati, orang tara usa iko aturan yang ada di lima kitab Musa lagi untuk jadi orang yang butul pa Tuhan Allah pe muka. Kalu dorang percaya pa Yesus Kristus, dorang itu mo jadi orang yang tara sala pa Tuhan Allah pe muka.