Popular Bible Verses from Yakobus 5

Share

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

Kalu ada dari ngoni yang menderita, lebe bae dia berdoa. Kalu ada yang sanang, lebe bae dia manyanyi puji pa Tuhan.

Kalu dorang berdoa deng hati yang sunggu-sunggu percaya pa Tuhan, Tuhan akan kase sembu orang itu. Kong kalu dia so biking dosa, Tuhan mo kase ampun pa dia dari dia pe dosa.

Kong kalu ada dari ngoni yang saki, lebe bae dia pangge penatua-penatua di jemaat, supaya dorang kase berdoa kong goso pa dia deng minya pake Tuhan pe nama.

Ngoni inga ini e: sapa yang bantu pa orang berdosa kase tinggal dia pe cara hidup yang sala, dia so biking orang itu dapa ampun dari dia pe dosa yang banya skali, kong so kase slamat orang itu dari hukuman tapisa deng Tuhan Allah slama-lamanya.