Popular Bible Verses from Kisah Para Rasul 17

Share

Tuhan Allah biking samua yang bae itu la torang samua mau tau tentang Dia kong berusaha kanal butul-butul pa Dia, padahal sebenarnya Dia tara jao dari torang.

Tuhan Allah biking kamuka satu orang. Dari orang itu pe turunan, Dia kase jadi samua suku bangsa la dorang tinggal di bumi. Dia so ator torang samua pe waktu di dunia, deng Dia me so kase bagi-bagi tampa di dunia untuk torang tinggal.

Tuhan Allah itu yang biking dunia ini deng dia pe isi samua. Dia itu suda Tuhan yang berkuasa di langit deng di bumi. Dia tara tinggal di tampa-tampa semba yang manusia biking.

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

Deng karna torang ini memang Tuhan Allah pe ana cucu, jang torang bapikir, Tuhan Allah itu sama deng patong dari mas, perak atau batu yang tukang patong biking.