Popular Bible Verses from Yoswa 10

Share

Ndipo lumwi linguma cheti, mwezi unguja jo, mpaka penipo mtundu unguwezge nduzga pa ŵarwani ŵawo. Kumbi ichi kuti chikulembeka cha mu buku laku Yashara? Lumwi linguma mukatikati kuchanya, ndipo kuti lingutinthimika kusere cha akhumba kwa zuŵa lose lamphumphu.

Penipo Yoswa wangunena ku Ambuya mu zuŵa lo Ambuya angupereka Amori ku ŵaYisraele; ndipo pa maso gha ŵaYisraele wanguti, “Lumwi, umi jo pa Gibeoni, ndipo iwe mwezi mu dambo la Aijaloni.”

Kuti likuŵapo zuŵa nge ndi zuŵa liya cha kali kose mpaka mazuŵa yagha, po Ambuya anguzomerezga mazu gha munthu, chifukwa Ambuya angurwiya ŵaYisraele.

Ambuya angunena ndi Yoswa, “Ungawopanga cha, pakuti ndaŵapereka mu manja ghako, paŵengevi nanga njumoza wakuma paurongo pako.”

Ndipo Yoswa wangunena nawo kuti, “Mungopanga nanga nkhufipa mtima: muŵi ŵanthazi ndipo khwimani, pakuti viyo ndimo Ambuya akachitiyanga ndi ŵarwani ŵinu wose wo murwana nawo.”