Popular Bible Verses from Yoswa 1

Share

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Malo ghose gho phazi lako lamukandapo ndapaska kwaku imwe, nge ndimo ndingupangirana ndi Mosese.

“Mosese mteŵeti wangu wafwa; viyo sono usoke, wambuke, Yordane uyu, iwe ndi ŵanthu wose yaŵa, murutenge ku charu cho ndituŵapaska ŵaYisraele.

Pavuli pa nyifwa yaku Mosese mteŵeti wa Ambuya, Ambuya angunena ndi Yoswa mwana waku Nuni, mteŵeti waku Mosese

Kwamba ku bozwa ndi Lebanoni uyu kwachifika ku msinji ukuru, msinji wa Efrate, charu chose cha ŵaHiti kufika ku Nyanja Yikuru kumasereru gha dazi yikaŵanga mphaka yinu.

Yo yose wakagarukiyanga dangu lako ndi kureka kuvwiya mazu ghako, mwaku chose cho wamulanguliya, wabayike. Uŵi ŵaka wanthazi ndi wakukhwima.”

“Porotani mu ugoŵi, ŵaneniyeni ŵanthu wo, kuti ‘Jirongosoliyeni kamba, chifukwa mukati mu mazuŵa ghatatu mukambukanga Yordane uyu, kwachisere, kwachironda-ronda charu cho Ambuya Chiuta winu wamupaskani kuchironda.’ ”