Popular Bible Verses from Ŵeruzgi 7

Share

Ambuya anguti kwaku Gideoni, “Wo ŵanthu ŵendi iwe mbanandi kuti ndiŵapaske ŵaMidiyani mu janja lawo, vinu Yisraele wangajikuzga paku ine, kunena kuti ‘Ndi janja laku ndamwene landipozomoska.’

Ndipo Ambuya anguti kwaku Gideoni, “Ndikakupozomoskaninga ndi ŵanthu machumi pe chumi ghatatu (300) wo ŵachitanga kukapuwa, ndi kupereka ŵaMidiyani mu janja lako; ndipo wose ŵanyake uŵareke ŵawerenge we yose ku muzi wake.”

Chifukwa cho sono memeza ŵavwe ŵanthu, unene kuti, ‘We yose yo ngwamantha ndi wakutenthema, waweriyenge ku muzi.’ ” Ndipo Gideoni wanguŵesa; ŵanthu vikwi machumi ghaŵi pachanya viŵi (22,000) wanguweko ndipo vikwi chumi limoza ŵanguja (10,000).

Ambuya anguti kwaku Gideoni, “Ŵanthu ŵeche ŵanandi; rutanga nawo ku maji ndipo ndikaŵesiyanga iwe kwenikuwa; ndipo yo ndikanenanga kwaku iwe, ‘Uyu wakarutanga nawe,’ ndiyo wakarutanga nawe, ‘Uyu kuti wakarutanga nawe cha,’ kuti wakarutanga cha.”

Viyo wanguza nawo ŵanthu ku maji; ndipo Ambuya anguti kwaku Gideoni, “We yose yo wakapuwa maji ndi lilime nge ndimo wakapuliya garu, umuŵike paku yija; kwakulingana nako ndi mweniyo yose wajikama pakumwa.” Ndipo unandi waku wo ŵangukapuwa, ŵakuŵika manja ghawo ku mlomo, ŵenga machumi pe chumi ghatatu (300) kweni urapasi wa ŵanandi ŵangujikama pasi pakumwa maji.