Popular Bible Verses from Ezekiele 33

Share

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

“Viyo iwe, mwana wamunthu, ndakuŵika mlonda pa nyumba yaku Yisraele; penipo pose utuvwa mazu kutuwa ku mlomo wangu, uŵacheŵeske mwaku ine.

Kweni asani wamucheŵeska muheni kuti wareke nthowa yake, ndipo iyo kuti waweko ku nthowa yake cha; wakafwanga mu kwananga kwake, kweni iwe wataska umoyo wako.

Kweni asani mlonda wawona lipanga lituza ndipo kuti watumba mbata cha, ndi kuti ŵanthu kuti ŵacheŵeskeka cha, sono lipanga lituza, ndi kutuzgamo yumoza mukati mwawo; munthu yuwa watuzgikamo ndi uheni wake, kweni ndopa zake ndikazifumbanga pa janja la mlonda.

Wanguvwa kumba kwa mbata, ndipo kuti wanguphwere kucheŵeskeka cha; ndopa zake zikaŵanga pa mweneko. Chifukwa asani wanguphwere kucheŵeskeka; mphanyi wangutaska umoyo wake.