Popular Bible Verses from Marangu 30

Share

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo, pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

“Awonani, ndaŵika paurongo pinu msana wale umoyo ndi umampha, ndi nyifwa ndi uheni.

Kweni mazu ghe pafupi ukongwa ndi imwe, ghe mu mlomo winu ndi mu mtima winu, viyo kuti muziŵa kughachita.

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

Ambuya Chiuta winu wakamusakatiskaninga kwakuzara mu nchitu yose ya janja linu, mu chipasi cha liŵavu linu, ndi chipasi cha ng'ombe zinu, ndi mu chipasi cha minda yinu. Pakuti Ambuya akaŵikangapo so mtima pakumusakatiskani uli ndimo anguchitiya ndi auskemwe

Kweni asani mtima winu upatukako, ndi kuti mukavwanga cha, kweni mukarandizgikanga kwachisopa ŵachiuta ŵanyake ndi kuŵateŵete, nditumuziŵiskani msana wale kuti mukamaranga. Kuti mukajangamo nyengo yitali cha mu charu cho mwamusere ndi kuchironda kuŵa chinu mutakuti mwambuka Yordane.

“Pakuti dangu ili lo nditumulanguliyani msana wale kuti ndinonono cha kwaku imwe, chingana nkhuti le kutali nako cha.

Kuti le kuchanya cha, kuti mungakamba, ‘Njani wakatirutiyanga kuchanya, kwachititole lo kwaku ifwe, alinga kuti tilivwe ndi kulichita?’

Chingana nkhuti le kusirgha la nyanja, lo munganena kuti, ‘Njani watambukiyenge kusirgha la nyanja kwachititole lo alinga kuti tilivwe ndi kulichita?’