Popular Bible Verses from Marangu 28

Share

“Ndipo asani mukavwiyanga mazu gha Ambuya Chiuta winu, mwa kuphwere kuchita marangu ghose gho nditumulanguliyani msana unu, Ambuya Chiuta winu wakamusoskaninga kuŵa pachanya pa mitundu yose yamu charu chapasi.

Ndipo vitumbiku ivi vyose vizenge paku imwe ndi kuja mwinu, asani mukavwiyanga mazu gha Ambuya Chiuta winu.

Ambuya akamuchitaninga kuŵa mutu, muchiya cha, ndipo mukaŵanga pachanya pe, pasi cha, asani muvwiya marangu gha Ambuya Chiuta winu gho ndimutauliyani zuŵa ili, mu kuphwere pakughachita

Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.

“Ambuya akachitanga kuti ŵamawongo ŵinu ŵapundike paurongo pinu; ŵakazanga kumikana namwe nthowa yimoza, ndipo ŵazamuthaŵa paurongo pinu nthowa zinkhonde ndi ziŵi.

Ambuya akalangulanga chitumbiku paku imwe munkhokwe zinu ndi mwaku vyose vyo muchita, ndipo, akamutumbikaninga mu charu cho Ambuya Chiuta winu watumupaskani.

Mukatumbikikanga pakusere kwinu, ndi mukatumbikikanga pakutuwa kwinu.

Mukaŵanga ŵakutumbikika mu msumba, ndi ŵakutumbikika mu munda.

Vikatumbikikanga vipasi vyamu liŵavu linu, ndi vipasi vya nyata yinu, ndi vipasi vya viŵetu vinu, kwandana kwa ng'ombe zinu, ndi ŵana ŵa mberere zinu.

Ambuya akamikanga imwe kuŵa mtundu wakupaturika kwaku iwo ŵeneko, nge ndimo ŵarapiya imwe, asani musunga marangu gha Ambuya Chiuta winu ndi kwenda mu nthowa zake.

Yikaŵanga yakutumbikika sokora yinu ndi chakukanyiyamo chiŵande chinu.

Ndipo Ambuya akamusambaskaninga ndi vipasi vya liŵavu linu, ndi vipasi vya ng'ombe zinu, ndi vipasi vya nyata yinu, mu charu cho Ambuya angurapiya ku auskemwe kumupaskani.

Ndipo ŵanthu wose ŵamu charu chapasi ŵakaziŵanga kuti mudanika ndi zina la Ambuya, ndipo ŵakakuwopaninga.

asani kuti murandiya ku janja la marghe pamwenga ku maze cha, kusiya vyo ndikutauliyani zuŵa ili, ndi kurondo ŵachiuta ŵanyake ndi kuŵateŵete.

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.