Popular Bible Verses from Danyele 6

Share

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti. Wataska ndi kuwombo wachita visimikizgu ndi vyakuziziswa kuchanya ndi pasi.”

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”