Popular Bible Verses from 2 Petro 2

Share

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu

Chifukwa kwenga kwamamphaku kwaku wo kuura kuyiziŵiska nthowa yo ya urunji, kwakuruska kuti, ŵati ŵayiziŵa, ŵanyongokeko ku dangu lakupaturika lo, lakuperekeka kwaku wo. Chaŵaŵiyacho cha nthanthi yakuneneska, “Garu wawereko ku bukuzi lake, ndipo nkhumba yisamba kwachikunkhuruka mu urambwi.”

ŵapangana nawo wanangwa, penipo iwo ŵeneko mbaŵanda ŵa marusu ghakubwanganduwa. Pakuti ndi chenicho munthu wathereskeka, kwaku chenicho watoleke mu uŵanda.

Chifukwa asani, wati wathaŵa maukazuzi gha charu mu chiziŵiru cha Ambuyafwe ndi Mtaski Yesu Kristu, pakuwiramo so mwaku ghenigho, wathereskeka, vyakumariya vyaŵaŵiya viheniku kwakuruska vyakudanga vyo.

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.