Popular Bible Verses from 1 Petro 2

Share

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika. Chifukwa mwenga nge ndi mberere zakuranda; kweni sono mwanyongoke ku Mliska yo ndi Mlereze wa mauzima ghinu.

imwe mwaŵenimwe kali kuti mwenga khamu so cha, kweni sono mwe khamu laku Chiuta; mwaŵenimwe mwengavi kuchitikiya lisingu, kweni sono mwachitikiya lisungu.

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo. Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa

Jani nge mbanangwa, kweni ŵakuchitiya ndi wanangwa winu uli nchivwinkhu cha uheni cha, kweni uli mbaŵanda ŵaku Chiuta.

Pakuti khumbo laku Chiuta ndaviyo, kuti pakuchita umampha musunamiske ujira wa ŵanthu ŵakupusa.