Popular Bible Verses from AROMA 8

Share

Timbapidziwa kuti papinthu pyonsene pimbachita Mulungu ambapichita kuganyalisa napyo anthu ambamfuna ale, anthu achemera iye malingana na basa inafuna iye kuphata.

Ndikupidziwa mwadidi mwene kuti nkhabeve chinthu chinango chinakwanisa kutilekanisa na kutifuna kwache, nee imfa penu moyo, nee angelo penu atongi na anyamphamvu akudzulu, nee pinthu pili leropi penu pyam'tsogolo, nee dziko yakudzulu penu dziko yapansi; nkhabeve papinthu pyakulengwa pyonsene chingakwanise kutilekanisa na kutifuna kwa Mulungu tayu, kule nkhwathu kudzera muna Yesu Khristu Mbuyathu.

Montho-monthomo Mzimu Wakuchena ambadza dzatiphedza, anthu akusowa mphamvufe. Thangwi ife nkhabe kudziwa tayu mudathemera ife kupemphera, Mzimu Wakuchena ambatidembeterera kuna Mulungu mwakubulira, kule mafala nkhabe kwanisa kulonga kwache tayu.

Papyonsenepi tinalonga tani? Ngakhala Mulungu ambatiphedza, apo mbani pontho anakwanisa kutikunda?

Natenepo anthu aphatanizana na Khristu Yesu ale chinchino nkhabeve konwa tayu.

Munthu angatongwa na makhaliro ache akudawika akubalwa nawo mamalisiro ache ndi imfa basi. Mbwenye munthu angatongwa na Mzimu Wakuchena mamalisiro ache ndi moyo na mtendere.

Nkhabe, kwache papinthu pyonsene pinaona ifepi tinakunda monsene mwene kudzera muna adatifuna ule.

Ndikunyerezera kuti nyatwa zinaona ife chinchinozi nkhabe kwanisa khala sasawa na pang'ono pene tayu na demelero inafuna dzaoneswa kuna ife ile.

Mbani pontho anakwanisa kutilekanisa na kutifuna kwa Khristu? Nyatwa penu, kuva kupha penu, kusanyika penu, njala penu, kutcherenga penu, pyakugoswa na imfa penu?

Tenepo Mulungu ule ambaona pya mumtima mwathu, ambadziwa pyakunyerezera pya Mzimu Wakuchena, thangwi Mzimuyo ambadembetera kuna Mulungu m'mbuto mwa anthu ache malingana na kufuna kwa Mulungu.

Ana a Mulungu ngale ambatsogolerwa na Mzimu wa Mulungu.

Anthu ale ambateweza pimbalonga makhaliro awo akudawika akubalwa nawo, nzeru zawo zonsene zimbatongwa na pimbafuna makhaliro awo akudawika akubalwa nawo. Alembo ambachita pimbalonga Mzimu Wakuchena, nzeru zawo zonsene zimbatongwa na Mzimu Wakuchena.

Nee Mulungu, thangwi iye hadatimane Mwanache tayu, mbwenye adampereka thangwi ya ife pano tonsene. Mulungu adatipasa Mwanache, apo iye nkhabe kwanisa tayu kutipasa pezi pinthu pyonsene?

Mzimu wa Mulungu ambachitira umboni pabodzi na mzimu wathu kuti ndife ana a Mulungu. Podi ndife anache, tinati titambire mtsanzayiso umbakoyera iye anthu ache ule, pontho tinatambira pabodzi na Khristu pinthu pyamkoyera Mulungu pile. Ngakhala ife tinaona nyatwa sasawa ninga zidaona Khristu zile, tinati titambirembo demelero yache.

Tenepo munthu ambasanduka nyamalwa wa Mulungu ngakhala ambatongwa na makhaliro ache akudawika akubalwa nawo; thangwi iye nkhabe vera mwambo wa Mulungu tayu, ndimomwene kuti iye nkhabe kwanisa kuvera mwambowo tayu.

Pyakulengwa pyonsene pili maso kunjira kudikhira kuti Mulungu aonese anache.

Thangwi timbapidziwa kuti na ndzidzi uno ene pyakulengwa pyonsene pimbabulira thangwi ya kuva kupha ninga kuva kupha kwa mkazi wamimba pakubala.