Popular Bible Verses from AROMA 2

Share

Mbwenye iwe, mwanzanga, ule umbatonga anango thangwi yakuchita pinthu ninga penepi, iwe mbupichitambo, ayi ukunyerezera kuti Mulungu nkhabe dzakutongambo mseru tayu? Ayi iwe ukululupisa kukoma mtima kukulu kwa Mulungu, kuuphata kwache mtima, na kupirira kwache kwene? Ayi iwe nkhabe kupidziwa tayu kuti Mulungu akukomera mtima thangwi anafuna kuti iwe uleke pyakudawa pyako?

Kadi mwanzangawe, umbatongambo mseru anthu anango? Podi ukhale pyako ani, iwe nkhabe chakuti ulonge tayu. Thangwi ungatonga anthu anango, iwe mbuchitambo pyonthopyo ninga pinachita iwo, ukupitonga wekha ene.

Thangwi Mulungu nkhabe tonga mseru mwakuyang'ana nkhope tayu.

Thangwi anthu nkhabe lungamiswa pamaso pa Mulungu thangwi ya kuva mwambo kokha tayu, mbwenye na kuchita kwene pinalonga mwambo.

Mulungu anafupa munthu onsene malingana na mabasa adaphata iye.

Anthu anango ambapifuna okha ene mbakhonda kuteweza pinthu pyakulungama mbateweza pyawo pinthu pyakudawika; enewa Mulungu anaatchunyusa pikulu pene.

Mbwenye iwe una mtima wakuuma, pontho okhonda funa kuleka pyakudawa. Natenepo ukunyanya kupithimizira kutchunyuswa kwako pansiku inafuna dzaoneka ukali wa Mulungu na kutonga kwache mseru mwakulungama.