Popular Bible Verses from CHIDZIWISO 3

Share

Yang'ana! Ndaimira pamsuwo pano kudidimiza. Ngakhala unango anava falanga mbafungula msuwo, ine ndinapita mwenemo mbandidya naye pabodzi iyembo mbadya na ine.

Mabasako ndikuadziwa. Ndikupidziwa kuti si iwe wakutonthola penu wakupisa tayu. Mbudakhala wakutonthola penu wakupisa mbapidakhala pyadidi. Ndinati ndikuphule m'kanwa mwanga thangwi ndiwe wabebebe basi, mbukhonda khala wakutonthola penu wakupisa.

Anthu onsene a pamtima panga ndimbaalongera mbandiatchunyusa. Tenepo uleke pyakudawa pyako kubulukira pansi pa mtimako.

Pimbachita iwe ndimbapidziwa. Ndimbapidziwa kuti una mphamvu zakuchepa, kwache wateweza chifunziso changa mbukhala wakukhulupirika kuna ine. Ndafungula pamaso pako msuwo wakuchimwanika kufungwa na munthu na mbodzi ene.

Kuna nyakukunda ndinampasambo utongi kudzakhala chifupi na ine pampando wanga wachifumu, ninga kukunda kudachita ine mbandikhala chifupi na Baba pampando wache wachifumu.

Iwe umbalonga kuti, ‘Ndine wakufuma; ndina pinthu pizinji, pontho ine nkhabe sowa chinthu tayu.’ Kwache iwe nkhabe dziwa tayu kuti ndiwe wadzedze na wakutsukwalisa! Ndiwe wakutcherenga, boli-boli pontho wachipezi-pezi.

Podi iwe wakoya matongero anga akuti upirire, inembo ndinakukoya mwadidi ndzidzi wa nyatwa unafuna kudza padziko yonsene yapansi dzayesa anthu onsene akukhala mwenemo.

Ndikudza chinchino pano. Koya mwadidi pina iwe towera paleke khala mbodzi wakukubera mfupo wakuonesa kukunda kwako.

Lamuka uwangise pyakusala, pile pili chifupi kufa. Thangwi ndaona kuti mabasako hadamalisike pamaso pa Mulungu wanga tayu.