Popular Bible Verses from CHIDZIWISO 19

Share

Tendeni tikomerwe na kusekera; tendeni tikuze ukulu wache! Thangwi kukazhali kwa Mwanabira kwafika. Nyakufuna iye kukazhali naye amala kale sasanyika.

Pamkhanjo wache na pantchafu pache padalembwa dzina yakuti, “Mfumu wa mafumu, na Mbuya wa ambuya.”

Tenepo ndidaona kudzulu kwafunguka, mbandionako kavalo wakuchena. Nyakumpakira ambachemerwa Nyakukhulupirika pontho Nyakuonadi; iye ambatonga mseru na kumenya nkhondo pakuphatisa basa chilungamo.

Maso ache akhali ninga malulume a moto, mbavala pipewu pyachifumu pizinji. Pamanungo pache padalembwa dzina yokhonda dziwika kuna unango, mbwenye iye yekha ene basi. Mkhanjo udavala iye udavikwa m'chiropa. Dzinache ndi Mafala a Mulungu.

M'kanwa mwache mudabuluka talasada yakutwa, ile inafuna iye dzakunda nayo madzinza. Iye anatonga na mthondodzo wachisimbi mbapondedza mfesa m'dzenje yakutchitchithira vinyu wa ukali wakugoswa wa Mulungu Wamphamvu zonsene.

Mbwenye chirombo chidamangwa uperezo pabodzi na maprofeti akunama ale adachita pyakudodomesa pamaso pache. Na pyakudodomesa adanyengeza napyo anthu ale adadindwa chidindo cha chirombo mbapembedza mfanikizo wa chirombocho. Chirombo chile pabodzi na maprofeti akunama adaponywa amoyo m'nyanza ya moto wa sulufule.