Popular Bible Verses from CHIDZIWISO 13

Share

Penepa panafunika nzeru. Nyakukhala na udziwisi alengese konta ya chirombocho, thangwi konta yeneyi ikuimira dzina ya munthu. Kontache ndi madzana matanthatu na makumatanthatu na tanthatu.

Anthu onsene akukhala padziko yapansi anachipembedza, onsene ale madzinawo hadalembwe tayu m'bukhu ya moyo ya Mwanabira, ule adaphiwa dziko yapansi mbidzati lengwa.

Chirombo chidakhakhamiza anthu onsene, mkulu penu mwana, akufuma na akutcherenga ene, mabitchu na atumbe ene kuti adindwe chidindo m'dzanja yamadyo, penu pachipumu pawo. Nkhabe mbodzi adakwanisa kugula penu kugulisa tayu wakusowa chidindochi, chile ndi dzina ya chirombo, penu konta yakuimira dzina ya chirombochi.

Nyakulongwa kuti anamangwa, anamangwadi. Nyakulongwa kuti anaphiwa, anaphiwadi. Penepa mphyakufunika kuti anthu a Mulungu achite phinga kupirira mbakukhulupirika.

Kubuluka penepo ndidaona chirombo chikuluthuka m'bara. Chikhali na nyanga khumi na misolo minomwe. Nyanga zonsene zidavala chipewu chachifumu chache-chache. Pamisolo yonsene pakhali madzina akushola Mulungu.

Chidatawiriswa kumenyana na anthu a Mulungu, pontho kuakunda. Chidapaswa utongi pana anthu a mitundu, madziko, madzinza, na pilongero pyonsene.

Chidanyengeza anthu onsene akukhala padziko yapansi na pyakudodomesa pidatawiriswa icho kuchita pamaso pa chirombo chakutoma chile. Chirombo chidapanga anthu kuti asasanye mfanikizo wakulemedza nawo chirombo chikhadalaswa na talasada, kwache mbachikhala na moyo chile. Chirombo chachiwiri chidatawiriswa kupumira muya muna mfanikizo wa chirombo chakutoma chile, towera mfanikizo ule ukwanise kulonga mbupha anthu onsene anakhonda kuchipembedza.

Chirombo chenechi chikhaoneka ninga nyalugwe. Manyalo ache akhali ninga a thika. Kanwache ikhali ninga ya nkhalamu. Nthonga ile idapereka kuna chirombo mphamvu zache, mpando wache wachifumu na utongi wache ukulu.

Chirombo chidatawiriswa kulonga mafala akulunkuma pontho akushola Mulungu na kuonesa mphamvu zache miyezi makumanayi na miwiri.

Msolo ubodzi wa chirombo ukhaoneka ninga ukhali na njinda, kwache njindacheyo ikhali yakupola kale. Anthu onsene a dziko yonsene yapansi adadodoma mbatewera chirombocho.

Kubuluka penepo ndidaona chirombo chinango chikubuluka pansi. Chikhali na nyanga ziwiri ninga za Mwanabira, mbachilonga ninga nthonga. Chidaphatisa basa utongi ukulu wa chirombo chakutoma chile pamaso pache mbakhakhamiza dziko yapansi na pyonsene pili mwenemo kupembedza chirombo chakutoma, chile chikhali na njinda yakupola kale.