Popular Bible Verses from 'Ba Rumia 'Diyi 6

Share

Te oya e’yo onzini eri drani, te afa Munguni fele avasiri eri idri ’dani ’dani Kristo Yesu Opi amani ma alia.

Te e’yo onzi ngani ovu emi ma opiru dika ku; a’disiku emi ovuni azita ma palaa ku; te ’yeta anzutiri ma palaa.

Sa ama tualu eri be baputizi ndesi fizu drata alia, ’dini ekile ndra Kristoni engale ’ba draza eselia diza Atanisirile, ’dini vini ama’i indi, eco amani acizaru idri o’diru ma alia.

Emi fe emi rua ma esele ndu ndu ’diyi e’yo onzi vu ovuzu afa a’di ’dizu e’yo onzinii ’diyiru ku, te emi fe emi ngulupi Mungu dri ekile be ’ba engapi idriru ’ba draza ma eselia ’bo ’diyile, azini emi fe emi rua ma esele dria Mungu dri ovuzu afa a’di ’dizu e’yo onyirurini ’diyiru.

Ama ni ’diri, ’di ’ba amani okuri pati ruaa tualu eri be, ’dini rua e’yo onzini ma e’yo ma de i ani, ’dini ama ma ovu e’yo onzi ma ati’baru dika ku.

’Dinile indi, e’yo onzi vusini emi la emi ’ba avuru, te Mungu vu ovuzu idriru Kristo Yesusi.

Ka’dini ama nga ’yo ngoni ya? Onyiru ama ma ovu e’yo onzi ma alia ’dani, ’dini ’yeta anzutiri ma ezu ani tre beni ya? Aluani yo! Ama’i ndra drapi e’yo onzi vusi ’bo ’diyi, ama eco adrizaru eri ma alia dika ngoni ngoni ya?

Emi nini ku ya, emi ka emi ma ngulupi ma rua fe ati’baru ’ba azini ma ti erizu, emi ovu ’ba nde emini tini erileri ma ati’baru; kani e’yo onzini, emini drata isuzu, kani e’yo erizu, emi lazu baru.

Te awa’difo Mungu vu, emini de ndra ovuria ati’ba e’yo onzini, emi eri ndra asi driasi esele imbatani yini ndra emi kule palaniari ra, te onze ndra emi e’yo onzi alia, emini ecazu ani ati’baru e’yo onyiruni beni.