Popular Bible Verses from 'Ba Rumia 'Diyi 14

Share

Te suru Munguni ovuni afa nyaza nyazu kani afa mvuza mvuzu, ’dini ku, te eri ovu e’yo onyini, asi anzuru pie, ayiko pie, Orindi Alatararu ma alia; te ’ba azi ngapi Kristo dri e’yo ’diri ma aliari, eri ayiko fe Mungu dri, ’ba yi vini eri a’i indi.

Te ama ka ovu idri be ama ovu idri be Opisi, te ama ka dra ra ama dra Opisi; ’dini ama ka ovu idri be kani ama ka dra ra ti, ama ovu Opini.

’Dini ama ma bi e’yo asi anzuruni ’diyi ma vuti, azini e’yo amani ecozu ani ama edre­zu ama eselia ’diyi.

Ka’dini ama ma li ’ba azini ama eseliari ma e’yo dika ku, te agapiri emi ma li e’yo ’diri, kini ’ba aluni ma ’ba kumu i adripi ma geria, kani e’yo erini ani abazu rari ku.

te eri ovu sizaru, Ekile mani ovule idrirurile, Opi ’yo ra, ’ba dria nga kumuti osi ma drilia, andre ’bani dria yi nga inzita fe Mungu drilia. ’Dini ama dria alu aluni nga e’yo amani e’da Mungu ma drilia.

’Ba ovupi okpo kokoru a’ita erini ma alia, emi ma a’i eri ra, te agata gazu eri be e’yo toko tokosi ku.

Mi a’di’i ati’bo ’ba azinini ma e’yo lizu ya? E’yo erini ovu opi ini vu, kani pa sozu ci, kani e’dezu va. Te adaru eri nga pa so ra, a’disiku. Opini ovule okpo be fezu erini pa sozu cirisi.