Popular Bible Verses from E'yo Eceza 12

Share

Yi nde eri ari Kabilomvanisi, azini e’yo eti nzeza yinirisi; yi leni idri yi ma ngulupini ku kpere yini draria.

Ma eri o’duko amboru ’bua kini, Pata pi eca ’bo, okpo pie, opi nyaza Mungu amanirini pie, Kristo eriniri ma okpo opiruri pie, a’disiku ’be ’ba adripi amani ’diyi ma asu supi, asu supi yi ruaa Mungu amani ma milia etusi inisiri va ’bo.

Yi ’be uri amboru nderi va, eri uri oku drio, omvele ’Ba asu Supiri’i, azini Satani’iri, eri ’ba wudrikuru dria icipiri-yi ’be eri va nyakua, o’be vini malaika erini ’diyi va eri be indi.

E’yo ’disi mi ’bu la, emi ma ovu ayikosi ’ba ovupi mi alia ’diyi be! Te candi nyaku dri miri be, a’disiku ’ba ’ba asu supiri esi va emi vu adra amboru be tu, erini nile ewu ini ace wererisi!

Omba nga di ovu ’bua: Mikaeli mu malaika erini be omba ’bazu uri nde be; te uri pi malaika erini be ’ba omba ra

Uri ovu adrasi oku vu, eri fu mu omba ’bazu eri ma ori acepi, ’ba azita Munguni ma ta mbapi e’yo Yesuni ma eti nzepi ’diyi be.

Eceta amboru e’da i ’bua: oku etu supi i ruaa, ovupi mba be i ma pa ageleari, eri ma dria ekilaza ’bi’bio mudri drini iri beri ci; eri ovu okporovuru, eri otre mvai azoni eri e’dulerisi, erini ovuria rua suza be e’yo mva osizanisi.

Eri osi agiamva, ngapi suru dria ma dri cepi kali ayarusiri; yi ari mva erini eri ’duzu Mungu vu oguna erinia, te oku nde apa roko dria, pari Munguni edele eri driria, ma fe nyaka eri dri ’dale o’du alifu alu drini turu iri drini kali azia.

Eceta azini e’da i ’bua indi: mi ne, uri ambo ekaru, ovupi dri be aziri o’yu be mudriri, eri ma dri aziri ’diyi ma dria oku opini aziri. Sobini oku ’bi’bio ’bua ’diyi ma esele na ma azi aluri ra, o’be yi va nyakua. Uri nde so pa oku te ’yepi osipiri ma drilia, oku nde ka nga osi ra eri ma nya mva erini ani beni.

Te yi fe opile iri aji amboruni ’diyi oku nde dri, eri ma sa ani uri ma miliasi i paria roko dria, pari nderia yi nga nyaka fe eri dri ewu alu, azini ewu iri, ewu ma ali be. Uri nga yi wu i tilesi yi arale oku ma vutisi, lezu yi arani eri ’duzu. Te nyaku ko oku ma aza, nyaku nga i tile zi yi ara urini wule i tilesiri mvuzu.