Popular Bible Verses from 'Ba E'yo Lipi 'Diyini 16

Share

Eri ’yo ra, ’Ba Filisitiaa ’diyi eca mi dria ’bo, Samisoni la! Te eri enga o’dua­risi ra, eri ’yo, Ma nga fu amve ekile mani ndra fule okorile ma rua oyazu. Te eri nini ku kini Yehova ku di i ’bo.

Te Samisoni omve Yehovani, ’yo kini, Opi Mungu la, mi ega ma e’yo fo, ma zi mi tia; mi fe ma dri okpo, ma zi mi tia,lu pale alu ’di’i, Mungu la, ma ma ofe ma ma mile iri ’diyi ma aroti ’ba Filisitiaa ’diyi ma ruaa beni fo!

Azini eri olu e’yo i asiari eri ma tia dria, ’yo eri ma tia, Yi ofani nga dribi ma driari idrisi ku; mani ibile ovule ’ba Naziriru Mungu vu engazu ma andri ma opojoarisi. Yi ka ma dribi ofa ra, ma okponi nga fu ma ruaarisi ra, ma nga di eca okpo kokoru, ovuzu ekile ’ba azini ’diyile ani.

Eri nga eca ’dini, eri ka eri omi zuzu e’yo erini ’yolerisi, ka eri zi okposi, avani oti ra kpere drata vu.

Te Samisoni ’yo ra, Mi ku ma ma dra ’ba Filisitiaa ’diyi be tualu. Eri avu va i okpo driasi; azini jo asu i opi piyi ma dria ’ba dria jo nde ma alea ’diyi pie. Ka’dini ’ba erini ofule drata erini ma alia ’diyi ma kalafe aga ’ba erini ofule de nga eri idriru ’diyi ra.