Popular Bible Verses from 'Ba Ebraniani 11

Share

A’ita ovu e’yo amani tele asi tezasi ’diyi ma adari’i, azini vini e’yo amani ndrele ku ’diyi mal e’yo ecezuri’i. Te ama a’bipi ’wara ’diyini ovule a’ita berisi, nze ndra e’yo yini ma eti onyiru.

Te a’ita kokoru econi ’bani ayiko fezaru eri dri ku, A’disiku ’ba emupi Mungu vuri ma a’i kini eri indi, azini eri adri orodri fe ’ba eri ndrupi ’diyi dri.

A’itasi ama ni ’bu pi nyaku be ovu ndra ’bazaru e’yo ’yoza Mungunisi, ’dini afa ’bani ndrele ’diyi ovuni ndra ’bazaru afa yi e’dapi ’ba ma milia ’diyisi ku.

A’itasi Iburahimu, Munguni eri omveria, eri ra, mu angu azini erini ngale a’ile awitaruria; eri fu ra, te nini i mu ngoleari ku. A’itasi eri ovu ndra ani’boru angu azile eri driri ma alia, ekile angu ovupi eriniru kuri ma aliarile, eri adri ndra ovu hema ma alia tualu Isaka pi be Yakobo pie, yi ’ba aziza nde a’ipi awitaru tualu eri be ’diyi.

A’itasi Noa, Munguni e’yo ’bani ndrele nga ku ’diyi eceria eri dri, ’ba i asi e’yo nde ma dria, ede maburu ori’ba ini opazu; a’ita ’dirisi eri ’ba e’yo liza nyaku ma dria, azini eri ofu ovuzu ’ba e’yo kililiru ’bani isule a’itasiri nyapi awitaruriru.

A’itasi ’du Enokani ’bua uru, eri ma ndre dra ku beni; yi: isuni eri ku, a’disiku Munguni eri ’dule ’borisi. Te de nga ’duni eri ku, nze e’yo erini ma eti kini eri fe ayiko Mungu dri ra.

A’itasi Habili fe Mungu dri edeta onyiru tu aga Kaininiri ra, e’yo nderisi nze e’yo erini ma eti kini eri ovu kililiru, Munguni e’yo eti nzeria afa feza erini ma e’yosi; e’yo ’dirisi erini draria ’bo ti, eri e’yo olu ’dani

A’itasi Sara ma ngu­Lupi isu okpo ori tizu, eli erini ka aga ’bo ti, erini a’ile ’ba aziza azipiri ovu ’ba adarurisi.

Te eri nda ndra aku ovupi eti be, Munguni sile azini ’baleniri’i.

A’itasi Musa, eri ka zo ’bo, leni ’ba ma omve i Farau zi ma mviru ku; eri pe lini inzata isuzo ’ba Munguni be tualu, aga ovuzu ayiko isule ewu were; e’yo onzisiri beri ra. Eri la drinza isule Kristosiri ovuzu lonyi amboru aga afa onyiru Misiria ’diyi ra, te eri lu orodri Munguni ngale ofeleri vu. A’itasi eri ku Misiri ra, runi adra opini ku; te eri ovu okporu ’dani erini Mungu ’bani ndrele kuri ndrele rarisi.

A’itasi Iburahimu, erini ovuria, o’bizaru, eri fe Isakani edetaru, adaru ’ba aziza a’ipi avasi ’bori fe i mvi tile alu ilipiliruri edetaruri

A’itasi oku awuouru Rahabu jani dri ’ba e’yo eripi ku ’diyi be tualu ku, erini ’ba angu ma orile gapi ’diyi a’ile asi anzurusirisi.

A’itasi yi zo Miri Ekaruri ra, ekile angu a’wiru ma driarile; te ’ba Misiria ’diyini o’biria zoria, miri jemvu yi ra, odra ra.

A’itasi abi likaliru Yerikoari asu iva, ’ba ka aci yi ma ageia o’du pale aziri ’bo.

A’itasi eri ’ba omu agaza ’ba drilesiri pi ari joyaza be, ’ba amuruaanzi dri japiri ma elo yi rua, ku beni.

A’itasi Yusufu, ewu erini drazuri ka eca ogogo ’bo, eri olu e’yo Israeli anziyini, fuzuri, azini eri fe azita fala ini ma e’yosi.

A’i­tasi Yakobo, erini ’yeria draria, fe asi ndriza anzi Yusufuni dri alu alu, lazini eri inzi Mungu, erini i atiria lote ini ma dria.

A’itasi Isaka fe asi ndriza Yakobo pi dri Esau be, e’yo ngapi ecapi ndo ’diyisi.