Popular Bible Verses from Azita Amvizu 28

Share

Eri nga eca ’dini, mi ka nga bile co asi alusi Yehova Mungu miniri ma o’duko erizu, asi ’bazu azita erini mani azile mi tia o’du andru ’dorisi ’diyi ’yezu dria, ka’dini Yehova Mungu miniri nga mi ’ba uru aga suru wudrikurua ’diyi dria ra

Asi ndriza ’diyi dria nga eca mi dria, nga mi isu ra,mi ka nga o’duko Yehova Mungu minirini eri raria.

Yehovani nga vini mi ’ba ovuzu driru, te sobiru ku; mi nga ovu kiri drileru, mi ngani ovu ele ku; mi ka nga azita Yehova Mungu minirini mani azile mi dri o’du andru ’dorisi ’diyi eri ra, asi ’bazu yi ta mbazu ’yezu raria

Yehovani nga pari ini onyiru lonyi ta mbazu ’buari ma ti zi mi dri, ozoo fezu ’dizu ewu vusi ewu vusi angu mini ma dria, asi ndriza ’bazu azi mini ’yele drisiri ma dria dria; mi nga afa fe mariru suru kakau dri, te miruni ngani mari ’du ku.

Yehovani nga fe ari’ba mini engapi mi ruaa ’diyi ma ovu ndezaru mi drilia; yi nga efu mi vu geri alusi, te yi nga yi ere apazu nzuzu mi drilia geri azirisi.

Yehovani nga asi ndriza azi mi dria afa ero mini ma alia ’diyisi, azini e’yo mini mi dri ’bazu yi vu ’diyisi dria indi; eri nga asi ndriza fe mi dri angu Yehova Mungu minirini fele mi driri ma alia.

Mi nga ovu asi ndriza be mini efiria, mi nga ovu vini asi ndriza be mini furia indi.

Mi nga ovu asi ndriza be akua, mi nga ovu vini asi ndriza be amvua.

Ori efupi mi ruaari pi nga ovu asi ndriza be, afa nyaku minirini kaleri pie, mi anyapa ma ori pie, mi ti ma ezuza pie, kabilo mini ma anzi pie.

Yehovani nga fe mini ovuzu ’dani suru alatararu ma ngulupiniriru, ekile erini oyoni sole mi berile, mi ka nga azita Yehova Mungu minirini ’diyi ma ta mba, acizu geri erini ma aliaria.

Afazu mini pi nga ovu asi ndriza be wari mini mikate itizuri be.

Te Yehovani nga fe mini gazu tre afa onyi besi, ori efupi mi ruaari pisi, mi anyapa ma ori pie, afa nyaku minirini kaleri pie, angu Yehovani oyo sole mi a’bipi tia fezu mi driri ma alia.

Suru dria wudrikurua ’diyi nga ne ’ba omve mi Yehova ma rusi; yi nga ani ’ye misi urisi.

mi ka nga mi oja e’yo mani azile mi dri andru ’diyi ma azi aluni kuzu, mini muzu kalaa dri ndia, kani dri ejia, Mungu azini ’diyi ma vuti bizu, yi ma azi ngazu kuria.

Te eri nga eca ’dini, mi ka le o’duko Yehova Mungu minirini eri ku, ka asi ’ba azita erini azini e’yo aziza erini mani azile mi tia o’du andru ’dorisi ’diyi ’yezu ku, ka’dini otrita ’diyi dria nga eca mi dria, nga mi isu ra.