Popular Bible Verses from 1 'Ba Korintoa 'Diyi 13

Share

Leta avasiri eri asi teza be, eri ’asi ndriza be; leta avasiri ovuni ’ma’yalasi ku; leta avasiri ’yoni e’yo afusi ku, ipini i afusi ku indi, eri ’yeni e’yo dri fupi ’ba milia kuri ku, ndruni e’yo i vileri ku, omvini e’yo aokosi ku, egani e’yo ’onzi ku

eri candi a’i dria asi tezasi, leri e’yo dria a’i a’itasi, eri asi ’baza be e’yo dria tezu, eri ovu asi e’yere be e’yo dria ma alia andekokoro.

ovuni ayikosi e’yo onzisi ku, te ovu ayikosi e’yo adaru­’risi

Te di e’yo na ’diyi indi, yi adri ’dani: a’tani, e’yo tezani, leta avasiri; te agapi yi ma eselia ambori eri leta avasiri’i.

Leta avasiri deni i ku; te e’yo oluza nabiru ’diyi nga yi de ra; e’yo ’yoza ti ndu ndusi ’diyi nga asi ra; nitani nga i de ra.

Te ma ece emi dri geri onyiru tu agapi rari ’di. Ma ka e’yo ’yo andre ’banisi, kani malaikanisi ra ti, te ka ovu leta avasiri be ku, ma eca ovuzu mola wupi wurile, kani emve cole corile.

Te ma ka e’yo olu nabile, ka e’yo zizaru ’diyi va dria, nita dria be, ma ka ovu a’ita be dria ’dini mani ecozu ’ani oni amboru ’diyi onzezu yi pariasi ra ti, te ma ka ovu leta avasiri ’be ku ma ovu toko.

Te ma ka afa ’mani fe dria nyaka awazu ’ba alioru ’diyi dri, ma ka ma rua fe evezu acisi,ti, te ma ka ovu leta avasiri be ku, orodrini ma dri yo.

Mani ndra ovuria mvaru ma adri ndra e’yo ’yo mvale, ma adri ndra e’yo ega mvale, ma adri ndra asisile dro mvale; te mani zoria agupiru ’boria ma ku e’yo mvaniri ja.