Popular Bible Verses from Salmos 119

Share

(Nun) A túa palabra é o faro dos meus pés, a luz do meu camiño.

No meu corazón escondo os teus ditos, para non pecar ante ti.

(Bet) Como atinará un mozo no camiño? Gardando a túa palabra.

Ditosos os que observan os seus mandatos e o buscan de todo corazón

Ti es o meu refuxio, o meu escudo: eu confío na túa palabra.

Dáme entendemento para observar a túa lei, e gardareina de todo corazón.

Inclina o meu corazón ás túas revelacións e non á miña comenencia.

Foime boa a aflición, para aprender os teus mandatos.

Este é o meu conforto na aflición: que a túa palabra me dá vida.

Diríxeme polo vieiro dos teus mandamentos, pois teño nel o meu contento.

(He) Móstrame, Señor, a vía dos teus mandatos e seguireina ata a fin.

A miña alma chora entristecida; confórtame ti coa túa palabra.

(Mem) Canto amo eu a túa lei! Medito nela o día enteiro.