Popular Bible Verses from Proverbios 13

Share

Vai onda os sabios: volverás sabio; quen fai compaña ós necios, terá que sufrir.

Quen garda a boca garda a vida, o laretas busca a súa ruína.

O que aforra vara, odia ó seu fillo; quen lle ten boa lei dáse présa en corrixilo.

Esperanza aprazada fai adoecer o corazón, arela cumprida é unha árbore de vida.

A xustiza garda ó home sen chata, a desgraza bota abaixo ó pecador.

Riqueza gañada axiña pouco dura, o que a xunta pouco a pouco acrecentaraa.

O testalán fai xurdir liortas coa súa fachenda, a sabedoría está cos que se aconsellan.

A herdanza do home bo chega ata os netos, o pecador xunta a fortuna para o xusto.

O fillo asisado acolle a disciplina paterna, o petulante non dá escoita á reprensión.

Pobreza e vergonza para o que desbota a instrución, mais quen escoita a crítica acadará honra.