Popular Bible Verses from Xoán 12

Share

Se alguén quere servirme, que me siga; e alí onde estou eu, estará tamén o meu servidor. Se alguén me serve, hao honrar o Pai.

Quen ama a súa vida, pérdea; mais quen aborrece a súa vida neste mundo, poñeraa a salvo para unha vida eterna.

Évos ben certo: se o gran de trigo cae na terra pero non morre, quedará el só; pero se morre, dará froito abondoso.

Eu son a luz que veu ó mundo, para que todo o que cre en min non permaneza nas tebras.

Se alguén escoita as miñas palabras e non as garda, eu non o xulgo, pois non vin para xulgar o mundo, senón para o salvar.

Entón María, collendo unha libra de perfume de nardo puro, de moito prezo, unxiu os pés de Xesús e enxugoullos cos seus cabelos. A casa quedou chea do recendo do perfume.

Apañou ramas das palmeiras e saíulle ó encontro exclamando: Hosanna!: Bendito o que vén no nome do Señor, o Rei de Israel!.

Xesús respondeulles: Chegou a hora de que sexa glorificado o Fillo do Home.