Popular Bible Verses from Gálatas 5

Share

En cambio o froito do Espírito é o amor, alegría, paz, paciencia, agarimo, bondade, formalidade, mansedume e dominio de si. Contra isto non hai Lei que valla.

Pois quérovos dicir que vivades conforme o Espírito e, que non lles deades polo pé ós proídos do instinto.

Se vivimos no Espírito, sigamos coma norma o Espírito.

Os de Cristo Xesús crucificaron os baixos instintos coas súas paixóns e cobizas.

As obras dos baixos instintos tédelas ben á vista: fornicación, adulterio, libertinaxe, idolatría, bruxerías, xenreiras, liortas, cobiza, retesías, discordias, faccións, envexas, bebedelas, enchentes e cousas polo estilo. Xa vos avisei ben avisados de que non herdarán o Reino de Deus os que tal fagan.

Irmáns, a vós chamáronvos á liberdade. Pero coidadiño con servir ós baixos instintos co gallo da liberdade! Habédesme ser escravos uns dos outros mediante o amor.

Porque os baixos instintos cobizan contra o Espírito e o Espírito contra os baixos instintos: contraríanse entre eles tanto, que non facedes o que de verdade queredes.

Porque toda a Lei está completa neste precepto: Amarás o teu próximo coma a ti mesmo.

Non hai que ser farfalláns. Non se hai que encirrar uns cos outros. Non nos temos que envexar.

Cristo liberounos para que vivamos en liberdade. Estádeme, logo, ben firmes nel! Que non vos canguen outra vez o xugo da escravitude!