Popular Bible Verses from Ezequiel 34

Share

Buscarei a ovella perdida, farei volver a extraviada, vendarei a que ten a pata partida, fortalecerei á feble, pero farei que perezan a gorda e a forte. Apacentarei o meu rabaño conforme a xustiza.

O mesmo que mira o pastor polos años, o día en que el se atopa diante do rabaño dispersado, así eu vou mirar polas miñas reses, e vounas salvar, sacándoas de todos os sitios por onde se espallaron un día de nubes e escuridade.

Pois así fala o meu Señor, Iavé: —Velaí, eu en persoa virei seguirlles as pisadas ás miñas reses e buscalas.

Eu mesmo apacentarei o meu rabaño, e eu en persoa fareino acougar —é o meu Señor, Iavé, quen fala—.

Vós seredes o meu rabaño, o rabaño dos pastos da miña terra seredes vós. Eu serei o voso Deus é o meu Señor, Iavé, quen fala.

Fillo de Adam, profetiza contra os pastores de Israel, profetiza e dilles: Pastores, así fala o Señor Deus: —Ai dos pastores de Israel que se están apacentando a si mesmos! Non é o rabaño o que teñen que apacentar os pastores?