Popular Bible Verses from Ezequiel 18

Share

Non sinto eu pracer pola morte do que morre —é o meu Señor, Iavé quen fala— Convertédevos e viviredes!

O que peque será quen morrerá; o fillo non cargará coa iniquidade do pai, o pai non cargará coa iniquidade do fillo; sobre o xusto reverterá a súa xustiza, sobre o malvado reverterá a súa ruindade.

Quitade de diante de vós as vosas maldades coas que pecastes, e facédevos un corazón novo e un espírito novo. Por que queredes morrer, Casa de Israel?

É acaso verdade que sinto eu pracer coa morte do malvado, —é o meu Señor, Iavé, quen fala— e non en que se converta do seu camiño e que viva?

Se o malvado se converte de todos os pecados que cometeu, e garda todos os meus preceptos e practica o dereito e a xustiza, vivirá de certo, non morrerá

se camiña conforme os meus preceptos e garda os meus mandamentos, practicando a verdade e a xustiza: este certamente vivirá. —é o meu Señor, Iavé, quen fala—.