Popular Bible Verses from Éxodo 23

Share

Vós serviredes ó Señor o voso Deus, e el bendicirá o voso pan e a vosa auga. Eu afastarei de ti todas as doenzas. Non haberá na túa terra muller estéril nin que aborte. E ateigareite de vida.

Eu vou mandar o meu anxo diante túa, para que te garde na viaxe e te leve ó lugar que che teño disposto.

Se de verdade o obedeces e fas o que eu che mande, eu serei inimigo dos teus inimigos, adversario dos teus adversarios.

Non te deixes ir coa maioría para facer o mal, nin te poñas do lado dela nun xuízo, violando o dereito. Non favorecerás ó poderoso na súa causa.

Non propagarás rumores mentireiros. Non te xuntarás cun malvado para dar testemuño en favor da inxustiza.