Popular Bible Verses from Qohélet (Eclesiastés) 5

Share

Xa que: "No moito se ocupar, vén o sono e nas moitas palabras, a voz do necio".

Non se porá xa tanto a matinar nos días que vai vivir, pois dálle Deus ocupación coa ledicia interior.

"Co aumento de fortuna, moreas de comensais", e que proveito tira o seu dono, á parte de vela cos seus ollos?

Non te precipites coa túa boca; non se che apure o pensamento ó presentares ante Deus o teu afán. Pois Deus está no ceo e ti na terra: sexan poucas as túas verbas!

"Mellor é non prometer que prometer e non cumprir".

Non deixes que a túa boca leve o teu corpo a un erro, e non digas despois ó ministro sagrado: equivoqueime. Por que dar motivo para que Deus se irrite polo que dixeches, e destrúa as obras das túas mans?

Hai un mal de adoecer que eu contemplei baixo o sol: riquezas aforradas por alguén para o seu propio dono.

Tamén esa é cativa sorte, o terse de ir como se veu. Que vantaxe tirou do seu traballar para o vento?