Popular Bible Verses from Feitos 5

Share

Pedro e os apóstolos responderon: Cómpre obedecer a Deus antes cós homes.

e cada día, no templo e nas casas non paraban de ensinar e de anunciar a Boa Nova de que Xesús é o Mesías.

Pero Pedro díxolle: —Ananías, por que encheu Satán o teu corazón, para lle mentires ó Espírito Santo e defraudares no prezo da propiedade? Non eras libre de a venderes ou non? E vendida, non continuaba no teu poder? Como se che ocorreu faceres isto? Non enganaches os homes, enganaches a Deus. O sentir estas palabras, Ananías caeu morto. E apoderouse un gran temor de todos os que sentiron isto.

E agora dígovos: desentendédevos deses homes, deixádeos estar, que, se esta empresa ou esta obra é cousa de homes, desfarase por si mesma; pero, se é de Deus, non a poderedes desfacer. Non vaia ser, mesmo, que vos encontredes loitando contra Deus! E cadraron de acordo.