Popular Bible Verses from रोमियों 14

Share

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा। जे कोई इस तरिक्के कने मसीह यीशु री सेवा करदा, से परमेश्वर जो खुस करदा, ते मणू भी तिसेरा आदरमान करदे।

असी सारे परमेश्वर रे हिन। इधेरे तांइ असा जो अपणे जीणे-मरणे बिच अप्पु जो नी, पर परमेश्वर जो खुस करणा चाएदा।

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

किजोकी पवित्रशास्त्र बिच, “प्रभु बोलदे कि मैं अपणी जिन्दगी री कसम खाई करी बोलदा, कि हर इक्क मणू ने मेरे सामणे अपणे गोड्डे टेकणे, ते हर इक्क मणू ने अपणी जुबान कने मन्नी लैणा कि मैं परमेश्वर है।” इधेरे तांइ, असा बिच का हर इक्क मणू जो अपणे अपणे कम्मां रा हिसाब परमेश्वर जो दैणा पैणा।

जे मणू विश्वास बिच कमजोर हिन, तिन्हा जो अपणी संगती अन्दर लेई लेयो, पर तिन्हेरी तुसा का अलग राय होणे तांइ तिन्हा री बहस मत करो।

तुसा कुसकी होर मणू रे नौक्कर पर इल्जाम लाणे वाले हुंदे कुण? तिसेरी कामयाबी या नाकामयाबी तिसेरे मालक रे ही हत्थां बिच है। ते तिसने कामयाब ही होणा किजोकी परमेश्वर तिन्हा जो कामयाब करी सकदे।