Popular Bible Verses from रोमियों 12

Share

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

इधेरे तांइ ओ संगी विश्वासियों, मैं तुसा जो परमेश्वर रे दया जो याद दुआई करी तुसा का छन्दे करदा, कि अप्पु जो जिन्दा, ते पवित्र अते परमेश्वर जो भाणे वाले कुर्बानी रे रुप बिच चढ़ाओ। परमेश्वर री सेवा करणे रा ए ही सही तरिक्का है।

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

बुराई का मत हारो, पर भलाई कने बुराई जो जीत्ती लियो।

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

जित्ते तांइ होई सको, तुसा सारे लोक्कां कने मेल-मिलाप रख्खो

ओ प्यारे लोक्कों, अप्पु कदी बदला मत लिन्दे, पर परमेश्वर जो तुसा तांइ बदला लैणे देयो, किजोकी पवित्रशास्त्र बिच परमेश्वर ने बोल्ले रा है, “बदला लैणा मेरा कम्म है; मैं ही बदला लैणा।”

मैहनत करेया करो ते आलसी मत बणो। आत्मिक जोस कने भरित्ते रे रेयो। पूरे दिल कने प्रभु री सेवा करदे रेयो।

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

बुराई रे बदले कुसकी कने बुराई मत करो, जे गल्लां सबणी मणूआं तांइ भली हो, तिन्हेरा ध्यान रख्खेया करो।

हर इक्क मणू कने इक्क जदेया ही बर्ताव करो, ते घमंड मत करो, पर आम लोक्कां कने संगत रख्खो, अप्पु जो जादा ही समजदार मत समझो।

पर जिय्यां पवित्रशास्त्र बिच इय्यां भी लिख्खे रा है, “जे अगर तेरा दुश्मण भूख्खा हो, तां तिसजो रोट्टी खुआ, जे अगर तिसजो त्रेह लग्गे री हो, तां तिसजो पाणी पिआ, किजोकी इय्यां करणे कने तू तिसजो शर्मसार करी दैणा।”

जे तुसा पर जुल्म करदे तिन्हा जो श्राप नी पर सिर्फ आशीष ही देयो। खुसियां मनाणे वालेयां कने खुसी मनाओ, ते रोणे वालेयां कने रोओ।

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

किजोकी जिय्यां असा रे इक्क जिस्म रे मते सारे अंग हिन, ते तिन्हा सबणी अगां रा इक्क जदेया कम्म नी हुंदा, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।