Popular Bible Verses from रोमियों 10

Share

जे अगर कोई भी मणू सारेयां सामणे, अपणे दिल कने यीशु जो प्रभु मन्नी लै, ते अपणे मन बिच ए विश्वास करे कि परमेश्वर ने तिन्हा जो मुर्देयां बिच का जिन्दा कित्ता, तां परमेश्वर ने तिसजो तिसेरे पाप्पां का बचाणा।

किजोकी जां असी अपणे मन कने विश्वास करदे तां परमेश्वर असा जो धार्मिक ठैहरांदे, ते असी जिन्हा ने विश्वास कित्ते रा है, तिसजो अपणे मुँह कने मन्नी लैणे री वजह कने असी बचाए जाणे।

सुब बसेख जो सुनणे कने विश्वास हुंदा, अते सुब बसेख मसीह रे बारे बिच है।

यशायाह ने पवित्रशास्त्र बिच मसीह रे बारे बिच लिख्खे रा है, “जे कोई उस बिच विश्वास करदा तिसजो शर्मसार नी होणा पैणा।” किजोकी यहूदी ते गैर यहूदियां बिच कोई फरक नी है। किजोकी परमेश्वर सारेयां रे प्रभु हिन, ते जे तिन्हेरा नां लिंदा, से तिन्हा जो बचांदे। किजोकी पवित्रशास्त्र बिच लिख्खे रा है, “हर इक्क मणू बचाया जाणा, जे परमेश्वर रा नां लिंदा।”

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

“पर इसका पैल्ले की मणू प्रभु रा नां लेई करी तिन्हा का मदद मंगी सके, तिन्हा जो प्रभु बिच विश्वास करणा जरुरी है; ते इसका पैल्ले कि से तिन्हा बिच विश्वास करी सके, तिन्हा जो प्रभु रे बारे बिच सुनणा जरुरी है, ते इसका पैल्ले कि से प्रभु रे बारे बिच सूणन, कुसकी जो तिन्हा लोक्कां जो प्रभु रे बारे बिच दसणा जरुरी है।”

मसीह यीशु ने मूसा रे कानूनां जो पूरा कित्तेया जिस मकसद तांइ से दित्ते गेया थिया, ताकि हर इक्क मणू जे मसीह यीशु बिच विश्वास करे, से परमेश्वर री नजर बिच धार्मिक ठैहरे।