Popular Bible Verses from 1 तीमुथियुस 1

Share

जे गल्लां मैं तुसा जो दस्सी से सच्ची ते पूरी तरिक्के कने भरोस्सेमंद हिन किजोकी मसीह यीशु असी पाप्पी लोक्कां जो छुटकारा दैणे तांइ इस दुनिया बिच आए ते तिन्हा बिच सबका बड्डा पाप्पी मैं है।

पर मेरे पर दया कित्ती गई। मेरे जदेय सबका बड्डे पाप्पी जो माफ करणे रे जरिये मसीह यीशु ए दिखाणा चाह्‍ंदे थिये कि तिन्हा बिच किन्ना जादा सबर है। ए तिन्हा लोक्कां तांइ इक्क उदारण बणी जाणा जिन्हा ने बाद बिच मसीह यीशु बिच विश्वास करी के हमेसा री जिन्दगी हासिल करणी।

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है, व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।