Popular Bible Verses from 1 कुरुन्थियों 6

Share

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन। किजोकी प्रभु ने सुली पर कुर्बानी देई करी तुसा री कीमत चुकाए री है। इधेरे तांइ अपणे सरीर कने ठीक कम्म करी के परमेश्वर री महिमा करो।

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता, चोरी करणे वाले, लालची, शराब्बि, गालां दैणे वाले, धोख्खा-धड़ी करणे वाले मणू कदी भी परमेश्वर रे राज रे वारिस नी होई सकदे।

व्यभिचार का बची रेयो, किजोकी होर जिन्ने भी पाप मणू करदा से कने सरीर पर इदेया असर नी पांदे जदेया असर व्यभिचार करणे कने पैंदा। किजोकी व्यभिचार करणे वाला अपणे ही सरीर रे खिलाफ ही पाप करदा।

तुसा बिच का किच्‍छ मणू बोलदे कि असी जे मर्जी चाए से करी सकदे, पर मैं तुसा जो बोलदा कि हर किच्‍छ असा तांइ खरा नी है। इधेरे तांइ मैं कुसकी भी चीज रे वस बिच नी होणा चाह्‍ंदा।

परमेश्वर ने अपणी ताकत कने असा जो मुर्देयां बिच का जिन्दा करी दैणा जिय्यां कि तिन्हा ने मसीह यीशु जो भी मुर्देयां बिच का फिरी जिन्दा कित्तेया थिया।