Popular Bible Verses from 1 कुरुन्थियों 12

Share

परमेश्वर हर इक्क जणे जो पवित्रात्मा रे अनुभव रा सबूत दिंदा ताकि से सारे विश्वासियां री मदद तांइ इस्तेमाल होई सके।

इस तरिक्के तुसा बिच का हर इक्क मिली करी मसीह यीशु रा सरीर हिन, ते तुसा बिच का हर इक्क तिन्हेरे बखरे-बखरे अंग हिन।

इस तांइ जे अगर इक्क अंग बिच कमजोरी हुंदी तां सारा सरीर तकलीफ बिच हुंदा। ते तिय्यां ही जां असा रे सरीर रे इक्क अंग री बड़ी बदिया दिख्ख-रिख्ख हुंदी

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा। से आत्‍मा इक्क जणे जो मसीह यीशु बिच बड़ा जादा विश्वास करणे री खूबी दिंदा, ते से ही आत्‍मा दूए मणू जो लोक्कां री बिमारियां ठीक करणे री खूबी दिंदे। पवित्रात्मा इक्क जणे जो बड्डे-बड्डे चिन्ह-चमत्कार री खूबी दिंदे, ते से ही आत्‍मा दूए मणू जो परमेश्वर रा बसेख सुनाणे री खूबी दिंदे, ते से ही आत्‍मा कुसकी होर मणू जो तिन्हेरे वरदान बिच फरक करणे री खूबी दिंदे कि से पवित्रात्मा रे पास्से का है या नी। ते कुसकी होर मणू जो बखरी-बखरी भाषा बोलणे री खूबी दिंदे। ते कुसकी होर जणे जो से तिस बखरी-बखरी भाषा रा मतलब दसणे री खूबी दिंदे।

पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

ताकि सरीर बिच फूट ना पये, पर इक्क अंग दूए अंग री बराबर फिकर करे।

खुबियां तां मते तरिक्के रे हिन, पर से सारे पवित्रात्मा का ही मिलदे। सेवा करणे रे भी मते तरिक्के हिन पर मणू इक्क ही प्रभु री सेवा करदे। सेवा करणे तांइ भी मते खूबी हिन पर से इक्क ही परमेश्वर हिन जे सारे जणेया जो से सारे खूबी तिन्हेरे खास कम्म जो करणे तांइ दिंदे। जे सारेयां बिच हर तरिक्के रा असर पैदा करदे।

मसीह रे इस सरीर बिच परमेश्वर ने असा जो अलग-अलग तरिक्के रा कम्म करणे तांइ दित्ते रा है, पैल्ले तिन्हा ने किच्‍छ मणूआं जो प्रेरित बणने तांइ चुणेया, किच्‍छ मणूआं जो तिन्हेरी गल्लां दसणे तांइ भविष्यवाणी करणे तांइ चुणेया, ते किच्‍छ जणेया जो तिन्हा ने लोक्कां जो वचन री शिक्षा दैणे तांइ चुणेया, इसका बाद किच्‍छ जणेया जो तिन्हा ने चिन्ह-चमत्कार करणे रा हक दित्ते रा है, ते किच्‍छ जणेया जो लोक्कां री बीमारी ठीक करणे रा हक, ते किच्‍छ जणेया जो दूज्जेयां री मदद करणे रा हक दित्ते रा है, ते किच्‍छ जणेया जो तिन्हा ने अगुवे बणने तांइ चुणे रा है, ते किच्‍छ जणेया जो तिन्हा ने पवित्रात्मा रे जरिये बखरी-बखरी भाषा बिच गल्ल करणे री खूबी दित्ते री है।

किजोकी इक्क सरीर बिच सिर्फ इक्क ही अंग नी पर मते सारे अंग हिन।

जिय्यां सरीर रे से अगं जे बाकि अंगा का कमजोर हिन, बड़े जादा जरुरी हिन।

जे सारा सरीर हाख्खी ही हुंदी तां सुनणा कुते का हुंदा? जे सारा सरीर कान्न ही हुंदी तां सुघंणा कुते का हुंदा? पर हकीकत बिच परमेश्वर ने असा रे सरीर रे सारे अंगा जो इक्क-इक्क करी के तिन्हेरी सही जगाह् पर असा रे सरीर बिच रख्खेया। जे अगर सिर्फ इक्क ही अंग हुंदा तां कोई सरीर ही नी होणा थिया।