Popular Bible Verses from 1 कुरुन्थियों 10

Share

तुसा सिर्फ इदेइ ही परिक्षा बिच ही पे, जदेई परिक्षा बिच सारे जणे पैंदे। परमेश्वर भरोस्सेमंद हिन ते तिन्हा ने तुसा जो सैह्णे री ताकत का बधी करी कुसकी परिक्षा बिच नी पैणा दैणा। पर तिन्हा ने तुसा जो से ताकत दैणी जिसेरी जरुरत तुसा जो पाप करणे का बचणे तांइ पैणी।

इधेरे तांइ आखिर बिच मैं तुसा कने ए ही बोलणा चाह्‍ंदा कि तुसा चाए खाओ, चाए पीयो, चाए जे किच्‍छ भी करो, सब किच्‍छ परमेश्वर री बड़ाई तांइ करो।

इधेरे तांइ जे विश्वासी ए दावा करदा कि से विश्वास बिच पक्का है, से चुकन्ना रेयो कि कुदखी तिस्सी तरिक्के रे पाप बिच ना पेई जाओ।

जिय्यां कि तुसा बोलदे कि असा जो सब किच्‍छ करणे री अजादी है, हाँ, पर सब किच्‍छ करणा असा तांइ खरा नी है। असा जो सब किच्‍छ करणे री अजादी ता है, पर सब किच्‍छ परमेश्वर बिच असा रे विश्वास जो मजबूत नी करदा।

हर कोई सिर्फ अपणे ही फायदे तांइ ही नी पर दूज्जे रे फायदे तांइ भी सोच्चे।