Popular Bible Verses from Wahyu 7

Share

Sakwisé mengkono aku weruh: Lah, ana golongané wong okèh sing tyatyahé tanpa itungan, sangka sak kabèhé bangsa lan taler lan umat lan basa, ngadek ing ngarepé dampar lan ing ngarepé Tyempé, pada nganggo jubah putih lan nyekel godong palem.

Kuwi pada nyuwara karo banter, “Keslametan sangka Gusti Allah kita sing njagong ing dampar lan ing ngarepé Tyempé!”

Awit bakal pada diengon karo Tyempé mau lan dituntun menyang sumberé banyu panguripan. Nanging Gusti Allah bakal ngusapi sak kabèhé eluh sangka mripaté.”

Mulané pada ngadek ing ngarepé damparé Gusti Allah lan pada ngladèni Panjenengané awan wengi ing Griya Sutyiné. Panjenengané sing njagong ing dampar kuwi bakal masang tarup kanggo pangayomané, lan ora bakal pada ngelih lan ngelak menèh, lan bakal ora kena dayané srengéngé utawa panas sing bentèr.

tembungé: “Aja ngrusak bumi lan segara utawa wit-witan sak durungé kita ngetyapi para abdiné Gusti Allah kita ing batuké!” Aku krungu yèn tyatyahé sing pada dityap kuwi: Sangka kabèh taler turunané Israèl sing dityap ana 144.000 wong.