Popular Bible Verses from Wahyu 5

Share

Lan pada ngidungké kidung anyar, tembungé: “Panjenengan wis pantes nampani gulungan kitab kuwi lan mbukaki ségelé; awit Panjenengan wis dibelèh lan karo getihé Panjenengan, Panjenengan wis nebus wong-wong sangka saben taler lan basa lan umat lan bangsa kanggo Gusti Allah.

tembungé karo swara banter, “Tyempé sing wis dibelèh kuwi wis bisa nampani pangwasa lan kasugihan, lan kawityaksanan lan kekuwatan, lan kehormatan lan kamulyan lan pamuji.”

Lan Panjenengan ndadèkké wong-wong kuwi salah sijiné kraton lan imam-imam kanggo Gusti Allah kita, lan pada arep ngwasani dadi ratu ing bumi.”

Aku terus krungu sak kabèhé sing urip ing swarga lan ing bumi lan sak ngisoré bumi lan ing segara, uga sing urip ing njeruhné, pada ngomong: “Pamuji lan kehormatan lan kamulyan lan pangwasa kanggo Panjenengané sing njagong ing dampar lan Tyempé, nganti sak lawasé!”

Terus ana salah sijiné pinituwa sing ngomong marang aku: “Kowé aja nangis! Delengen, singa sing sangka turunané Yéhuda, ya kuwi tukulané Daved sing wis menang, nganti Panjenengané bisa ngudari gulungan kitab kuwi lan mbukaki ségelé pitu.”