Popular Bible Verses from Wahyu 2

Share

Senajan mengkono kowé Tak tyatyat, awit kowé wis ninggal katrésnanmu sing wiwitan.

Mulané kowé élinga sepira jeruné enggonmu wis keplorot! Pada mratobat lan nglakonana kaya penggawéanmu sing wiwitan. Yèn ora mengkono, Aku mesti bakal nekani kowé, lan Aku bakal njupuk tyagak dimarmu sangka panggonané, yèn kowé ora mratobat.

Kowé aja wedi marang kabèh kasangsaran sing kudu kok sangga! Sak temené iblis bakal nglebokké wong sak panunggalanmu menyang pakunjaran, supaya kowé nampani pantyoba lan kowé bakal katekan kasusahan sepuluh dina suwéné. Kowé setia tuhua nganti tekan pati lan kowé bakal Tak upahi makutané panguripan.

Sapa sing nduwé kuping, rungokna apa sing diomongké karo Roh marang pasamuan-pasamuan. Sapa sing menang, kuwi bakal Tak wènèhi mangan wohé wit panguripan ing taman Firdaus duwèké Gusti Allah.”

Aku weruh sak kabèhé penggawéanmu, ya marang rekasamu ya marang kemantepanmu. Aku weruh, yèn kowé ora bisa nyabari marang para wong duraka, lan yèn kowé wis nliti wong-wong sing ngaku-aku rasul, nanging ing sak temené duduk, kowé wis weruh wong-wong kuwi tukang goroh.

Kowé tetep sabar lan ngalami sangsara awit sangka asma-Ku; lan kowé ora tau krasa kesel.

Sapa sing nduwé kuping, rungokna apa sing dadi tembungé Roh marang pasamuan-pasamuan: Sapa sing menang, bakal Tak wènèhi mangan manna sing kesimpen; lan Tak upahi watu putih, ing nduwuré ketulis jeneng anyar, sing wong ora weruh, kejaba sing nampani kuwi.”