Popular Bible Verses from Wahyu 14

Share

Aku terus krungu swara sangka swarga sing ngomong: “Tulisen: Rahayu para wong sing mati lan matiné ing njeruhné Gusti, wiwit saiki.” “Pantyèn mengkono,” tembungé Roh: “Supaya pada lèrèn sangka rekasané, awit sak kabèhé penggawéané pada mbarengi mlakuné.”

Sing perlu ing kéné ya kuwi sabar-mantepé para sutyi, sing pada ngantepi pepakoné Gusti Allah lan pertyaya marang Yésus.

Tembungé karo swara sing banter: “Pada wedia lan ngajèni marang Gusti Allah lan ngluhurna Panjenengané, awit wis tekan wantyiné pengadilané, lan pada nyembaha marang Panjenengané sing wis nggawé langit lan bumi lan segara uga sak kabèhé sumberé banyu.”

Terus ana mulékat liyané, sing kaping telu nyusul, tembungé karo swara banter: “Yèn ana wong sing nyembah marang kéwan lan marang retyané kuwi, lan nampani tenger ing batuké utawa ing tangané, kuwi bakal ngombé anggur bebenduné Gusti Allah, sing wis disediakké tanpa tyampuran ing tuwung nesuné; lan bakal kesiksa karo geni lan lirang ing ngarepé para mulékat sutyi lan ing ngarepé Tyempé. Lan kebulé geni aniaya kuwi kemebul tekan sak lawas-lawasé, lan aniayané tanpa lèrèn awan wengi, ya kuwi sing pada nyembah marang kéwan lan retyané kuwi, mengkono uga sapa sing nampani tengeré jenengé.”

Aku terus weruh: Sak temené Tyempé ngadek ing gunung Sion, bareng karo 144.000 wong, ing batuké pada ditengeri asma-Né lan asma-Né Bapak.

Aku terus weruh mulékat liyané mabur ing awang-awang nggawa kabar kebungahan sing langgeng supaya diwartakké marang wong sing pada manggon ing bumi lan marang kabèh bangsa lan taler lan basa lan umat.

Terus ana mulékat liyané menèh, mulékat kaping pindo, nyusul lan ngomong: “Wis ambruk, Babél wis ambruk, kuta sing gedé kuwi, sing wis mendemké sak kabèhé para bangsa karo angguré hawa-nepsuné mlaku bédang.”