Popular Bible Verses from Wulang Bebasan 12

Share

Sumelangé ati ndadèkké bungkuké wong, nanging tembung sing apik kuwi ndadèkké senengé atiné.

Sapa sing seneng diélingké kuwi seneng marang kaweruh, nanging sapa sing nampik pamelèh kuwi bodo.

Ana wong sing lantyang tembungé kuwi kaya waé sudukané pedang, nanging ilaté wong wityaksana nekakké kewarasan.

Wong bodo ngarani mlakuné déwé wis betyik, nanging sapa sing nampani pituduh kuwi wityaksana.

Bodo, wong sing ngomongké larané atiné sak nalika kuwi uga, nanging wong sing ora perduli marang pemoyok kuwi wityaksana.

Wong wadon sing pinter kuwi kanggo makutané sing lanang, nanging sing nggawé wirang bojoné kuwi kaya waé lara sing ngroposké balungé.

Lambé sing goroh kuwi sing njijiki kanggo GUSTI, nanging wong sing setia kuwi ndadèkké senengé Gusti.

Wong bener kuwi nemu panggonané, nanging dalané wong duraka nasarké.

Lambé sing ngomongké katemenan kuwi tetep selawasé, nanging ilat goroh mung kanggo sak kedèpé mripat.