Popular Bible Verses from Wulang Bebasan 10

Share

Berkahé GUSTI kuwi sing nyugihké, ora awit ditambahi karo rekasané déwé.

Sing okèh gunemané kuwi mesti ana paneraké, nanging sing ngendek lambéné kuwi kanggonan kepinteran.

Sengit ndadèkké tukaran, katrésnan nutupi sak kabèhé panerak.

Tangan sing males ndadèkké mlarat, nanging tangané wong sregep kuwi ndadèkké sugih.

Sapa sing nampani piwulang nuju marang dalané urip, nanging sing nglalèkké marang pamelèh kuwi kesasar.

Sapa sing resik kelakuané kuwi tentrem mlakuné, nanging sing nandangi mlintat-mlintut, bakal konangan.

Wedi lan ngajèni marang GUSTI kuwi ndawaké umur, nanging taun-tauné wong duraka kuwi dityendekké.

GUSTI ora négakké wong bener ngalami kaliren, nanging kepénginané wong duraka ditampik.

Yèn katekan karo lésus, wong duraka entèk, nanging wong bener kuwi dasaré langgeng.