Popular Bible Verses from Filipi 3

Share

Para sedulur, aku déwé ora rumangsa yèn aku wis bisa nyandak, nanging iki sing tak tindakké: Nglalèkké apa sing wis ing mburiku lan nuju marang apa ing ngarepku, lan aku mblayu nuju marang tujuan supaya olèh berkah, ya kuwi panggilané swarga sing sangka Gusti Allah ing sak njeruhné Kristus Yésus.

Sing tak karepké ya kuwi kenal marang Panjenengané lan kwasa tangi-Né sangka pati lan nunggal ing sak njeruhné sangsara-Né, sak nalika aku dadi mada-rupa karo Panjenengané ing pati-Né, supaya pungkasané aku olèh tanginé wong mati sangka antarané wong mati.

Malah samubarang kabèh tak anggep rugi, awit kenal marang Kristus Yésus, Gustiku, sing mulyané ngungkuli kuwi mau kabèh. Ya awit sangka Panjenengané kuwi aku wis mbuwang samubarang kabèh kuwi lan tak anggep regetan, supaya aku olèh Kristus

Nanging apa sing mbiyèn dadi kabekjan kanggo aku, saiki tak anggep rugi awit sangka Kristus.