Popular Bible Verses from Filipi 1

Share

Kanggo kuwi aku yakin banget, yèn Panjenengané, sing miwiti penggawéané betyik ing tengahmu, kuwi bakal neruské nganti tekan ing pungkasané, ing dinané Kristus Yésus.

Lan ya iki pandongaku: Supaya katrésnanmu saya mundak-mundak ing kaweruh sing bener lan ing sak rupané pangertèn, terus kowé pada bisa milih apa sing betyik, supaya kowé pada dadi resik lan ora tyiri tyedak dinané Kristus

Awit kanggo aku urip kuwi Kristus lan mati kuwi kabekjan.

Aku maturkesuwun marang Gusti Allahku, saben-saben aku éling marang kowé kabèh.

Mung waé kelakuanmu tyotyokka karo Injilé Kristus, supaya yèn aku teka aku weruh, nanging yèn aku ora teka aku krungu, yèn kowé pada mantep tunggal roh lan bebarengan pada mbudidaya sak kabèhé kanggo pengandel sing tukul sangka Injil

Awit sing banget tak pingini lan tak arep-arep, ya kuwi yèn kanggo samubarang kabèh aku ora bakal kisinan, nanging kaya sing uwis-uwis, mengkono uga saiki, Kristus karo tyeta diluhurké ing awakku, dadia karo uripku, utawa karo patiku.

Awit kowé wis pada dikèki kahurmatan ora mung supaya pertyaya marang Kristus waé, nanging uga supaya ngalami sangsara kanggo Panjenengané