Popular Bible Verses from Matius 24

Share

Apa menèh awit sangka mundak tukulé duraka, terus katrésnané wong okèh pada dadi luntur. Nanging sapa sing mantep tekan pungkasan, kuwi bakal dislametké.

Lan Injilé Kraton iki bakal diwartakké ing sak lumahé jagat kanggo paseksi marang sak kabèhé bangsa. Sakwisé kuwi bakal tekané dina pungkasan.”

Kowé bakal krungu swarané perang utawa kabar-kabar bab perang. Nanging digatèkké, aja pada kagèt, awit iki kudu kelakon, nanging kuwi durung pungkasané.

Awit bangsa bakal nyerang nglawan bangsa, kraton nglawan kraton. Bakal ana pailan lan lindu, ing ngendi-endi panggonan. Nanging kuwi kabèh mung wiwitané sangsara arep tekané jaman anyar.

Langit lan bumi bakal entèk, nanging tembung-tembung-Ku ora bakal entèk babar pisan.

Awit okèh wong sing bakal teka nganggo jeneng-Ku lan ngomong: Aku iki Kristus, lan bakal nasarké wong okèh.

Ing waktu kuwi kowé bakal pada dipasrahké marang panganiaya lan kowé bakal dipatèni lan kowé bakal disengiti karo sak kabèhé bangsa awit sangka jeneng-Ku. Ing kono bakal okèh wong sing ninggal pengandelé lan pada masrahké liyané lan sengit-sengitan. Lan menèh bakal okèh nabi palsu sing njedul lan nasarké wong pirang-pirang.

Yésus semaur lan ngomong marang para murid: “Pada digatèkké, aja nganti ana wong sing nasarké kowé!

Awit sangka kuwi, kowé uga pada jaga-jagaa, awit Putrané Manungsa kuwi teka ing wayah sing ora kok sangka.”

Mulané pada jaga-jagaa, awit kowé ora ngerti ing dina apa Gustimu bakal teka.

Mung waé, kanggo dina lan wantyiné kuwi, ora ana wong siji-sijia sing mengertèni, dadia para mulékat ing swarga ora, mengkono uga Putra, ya ora, kejaba mung Bapak déwé.”

Awit mésias-mésias palsu lan nabi-nabi palsu bakal njedul lan pada nggawé tanda-tanda gedé lan mujijat-mujijat kanggo nasarké, yèn bisa ya kanggo para sing dipilih uga.

“Awit kayadéné waktu jamané Noah, ya mengkono uga bakalé tekané Putrané Manungsa. Awit pada kaya ndèk jaman sak durungé banjir bandang, wong-wong pada mangan lan ngombé, omah-omah lan ngomah-omahké, nganti dina enggoné Noah mlebu ing kapal, lan pada ora nglegéwa nganti tekané banjir sing ngentèkké wong-wong mau kabèh, mengkono uga mbésuk ing dina tekané Putrané Manungsa.